Жалал-Абад милициясы чөнтөк уурулукка шектүүнү кармады. Бул тууралуу облустук милициясынын басма сөз кызматы билдирди.
Жалал-Абад ШИИБге 30 жаштагы кыз арыз менен кайрылып, 2024-жылдын 31-январь күнү саат 14:40 чамасында Жалал-Абад шаарынын борбордук базарында белгисиз кылмышкер “Самсунг А23” үлгүсүндөгү телефонун чөнтөгүнөн байкатпастан уурдап кеткендигин билдирген.
Бул окуя Жалал-Абад ШИИБдин тергөө кызматы тарабынан кылмыштардын бирдиктүү реестрине Кыргыз Республикасынын Кылмыш-жаза кодексинин 205-беренеси (Уурдоо) менен катталып, кылмыш иши козголгон.
Жалал-Абад облусунун аймагында 2024-жылдын 22-январынан 22-февралга чейинки аралыкта жүрүп жаткан “Чөнтөк уурулукка жол жок” операциясынын алкагында жогорудагы кылмыш ишинин бети ачылган.
Кылмыш ишине шектүү катары Базар-Коргон районунун тургуну 1984-жылы туулган М.Д. Бишкек шаарынан кармалып, Жалал Абад ШИИБдин убактылуу кармоочу жайына киргизилген. Анын баш коргоо чарасы бүгүн 10-февралда Жалал-Абад шаардык сотунда каралат.
Тергөө амалдарынын жүрүшүндө кылмыш ишине шектүү жаран Жалал-Абад шаарында чөнтөк уурулук менен алектенип, бир нече телефондорду уурдап жүргөндүгү аныкталган. Буга чейин уурулук беренеси менен сот жообуна тартылгандыгы дагы белгилүү болгон.
Азыркы учурда тергөө амалдары уланууда.
Бишкекте унаа айдап качууга шектелген 2001-жылы туулган О.Ж. аттуу кыз кармалды. Бул тууралуу Жол кыймылынын …
Баңгизаттарды таратуучу тармакка бөгөт коюлуп, синтетикалык жол менен чыгарылган ири партия кармалды. Бул тууралуу Улуттук …
Кара-Сууда дүкөндөрдөн уурулук жасагандар кармалды. Бул тууралуу Ош ОИИБнын басма сөз кызматы кабарлады. Маалыматка ылайык, …
Чүйдүн Кара-Балта шаарындагы темир жолдун боюнан эркек кишинин жиликтенген сөөгү табылды. Чүй облустук ички иштер …
Токтогул районунда 15 жаштагы кызды зордуктоого шектелген 36 жаштагы жаран кармалды. Бул тууралуу Жалал-Абад облустук …
Камчы Көлбаевдин уюшкан кылмыштуу тобунун мүчөсү «Мокинтош» кармалды. Бул тууралуу УКМКнын басма сөз кызматы кабарлады. …
