Бишкекте «Mazda» үлгүсүндөгү жеңил унаа менен мотоцикл сүзүштү. Бул тууралуу ИИМден кабарлашты.
Маалыматка ылайык, жол кырсыгы кечээ, 7- октябрда Манас проспектисинде катталып, мотоцикл минген киши гана жабыркаган.
«Мотоцикл менен жеңил унаа кагышып, кесепетинен мотоциклдин айдоочусу жаракат алды. Ал Травматология жана ортопедия илимий-изилдөө борборуна жаткырылды», -деп айтылат маалыматта.