Бишкек шаарында жол кырсыкка шектүү айдоочу кармалды. Милициянын кайгуул кызматы кабарлады.
Маалымат боюнча, 21-августта саат 23:00 чамасында Масалиев менен Бакаев көчөлөрүнүн кесилишинде жаш баланы сүзгөн унаанын айдоочусу окуя болгон жерден качып кеткен. Жабырлануучу ооруканага жеткирилген болчу.
Кырсык «ВАЗ 2104» унаасынын катышуусунда болгонун тактап, шектүү айдоочу катары 1998-жылы туулган жаран (эркек киши) кармалды.
