Бишкектеги «Азия Молл» жана «Дордой Плаза» ири соода борборлору эпидемиологиялык кырдаалга байланыштуу кайрадан жабылат. Бул тууралуу маалымат аталган соода борборлордун социалдык тармактагы баракчасына жарыяланды.
«Урматтуу достор! Республикада инфекцияны жуктургандардын саны көбөйгөндүгүнө байланыштуу «Азия Молл» белгисиз убакытка карантинге чыгат. Биринчи кабат мурдагыдай режимде иштейт», — деп жазылган «Азия Молл» соода борборунун социалдык тармактагы баракчасында.
Ошол эле учурда «Дордой Плаза» соода борбору дагы кырдаалга байланыштуу ишмердүүлүгүн убактылуу токтотуп жаткандыгын билдирген.
Мындан тышкары, борбор калаадагы «Техно Парк» оюн-зоок борбору жана «РИОМ» унаа базары дагы карантинге жабыла турганы айтылууда.