Бишкектеги кафелердин биринде уурулук кылган жаран кармалды. Бул тууралуу ИИМдин басма сөз кызматы кабарлады.
Маалыматка ылайык, 2023-жылдын 3-сентябрында болжол менен саат 05:00 чамасында Бишкек шаарынын Ахунбаев көчөсүндө жайгашкан пица жана суши тармагын тейлеген кафенин бирине белгисиз адам кирип, ал жерден жумушчунун документтери (айдоочулук күбөлүгү, паспорту) жана акча каражаттары салынган сумкасын уурдап кеткен. Келтирилген жалпы чыгым 70 миң сомду түзөт.
Бул фактынын негизинде Бишкек шаарынын Биринчи Май райондук ички иштер башкармалыгында Кылмыш-жаза кодексинин 205-беренеси (уурулук) боюнча кылмыш иши козголду.
«Көзөмөл камераларынан алынган жазууда адамдын коомдук тамактануу жайына кантип кирип, ал жерден бир нерсе издеп жүргөнү, бөлмөлөрдүн биринен сумканы уурдап, тез эле чыгып кеткени даана көрүнүп турат. Козголгон кылмыш ишинин алкагында ИИМдин Кылмыш иликтөө башкы башкармалыгынын 3-башкармалыгынын Бишкек шаары боюнча уюшкан кылмыштуулук менен күрөшүү боюнча бөлүмүнүн кызматкерлери тарабынан кылмышка шектүүнүн өздүгүн аныктоо боюнча ыкчам-издөө иш-чаралары жүргүзүлдү. 2023-жылдын 13-октябрында Бишкек шаарынын Жибек-Жолу көчөсүндө жүргүзүлгөн иш-чаранын жүрүшүндө жаран Чүй облусунда жашаган 1982-жылы туулган Р.А. бул кылмышка шектүү катары кармалды. Бул жаран мурда бир нече жолу соттолгон жана кылмыш дүйнөсү менен тыгыз байланышы бар. Кармалган адам убактылуу кармоочу жайга киргизилди»,-деп жазылат маалыматта.
Учурда уурулук фактысы боюнча иликтөө иштери жүрүп жатат.
Свердлов районунун ички иштер башкармалыгынын милиция кызматкерлери унаа уурдоого шектүү жаранды кармашты. Бул тууралуу Бишкек …
1-майда Бишкек шаарынын Свердлов районунун ички иштер башкармалыгында «Притон-Бабочка» аталышындагы профилактикалык иш-чаралардын жүрүшүндө милиция кызматкерлери …
Битумду жогорулатылган баада сатып алуу фактысы боюнча «БАС» муниципалдык ишканасынын кызмат адамы жана жеткирүүчү фирманын …
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Бишкекте белгисиз киши дүкөндүн сатуучусуна кол салып, аёосуз сабап салган. Окуянын видеосу социалдык тармактарда тарады. …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
