Бишкектеги убактылуу стационарларда бир күндө үч адам каза болду. Бул тууралуу Бишкек мэриясынын басма сөз кызматынан билдиришти.
Мэрия шаардыктарды үйдөн чыкпоого, санитардык эрежелерди сактоого чакырды.
«Бүгүн күндүзгү стационарлардан 3 киши каза болду. Аларга ооруканадан бош орун табылган эмес. Көз жумгандардын жакындарына жана туугандарына көңүл айтабыз. Сураныч, колдон келишинче үйдө болуңуздар. Социалдык аралыкты сактаңыздар», — деп жазылат маалыматта.
Буга чейин борбор калаанын төрт районунда күндүзгү стационарлар ачылган. Ага сасык тумоо же пневмонияга кабылгандар кайрыла алат. Ал жерде кеп-кеңеш жана асма укол алса да боло турганы айтылган эле.