Бишкек шаарында 14 кичи автобустун маршруту өзгөрөт. Бул тууралуу бүгүн, 27-августта мэриядагы брифингде шаардык транспорт башкармалыгынын башчысы Сатыбалды Хакимов билдирди.
Анын айтымында, 14 кичи автобус Бишкек шаарынын борборун айланып жүрүп калат.
«Бишкек шаарына газ менен жүргөн 100 жаңы автобус келгенден кийин 14 кичи автобустун маршруту өзгөрөт. Азырынча газ менен жүрө турган автобустар качан алынып келери белгисиз»,-деп билдирген Хакимов.
