Бишкек — Ош унаа жолундагы Төө-Ашуу ашуусунда кар жаап, бороон болуп жатканына байланыштуу унааларга чектөө киргизилди. Бул тууралуу Транспорт жана коммуникациялар министрлигинен билдиришти.
«Бишкек-Ош унаа жолунун 81 км бөлүгү эки тараптуу (п.Сосновка/Төө-Ашуу) бардык унаалар үчүн убактылуу жабылды. №9 ЖТИ кызматкерлери тарабынан жолду кардан тазалоо жана кум-туз аралашмасын себүү иштери жүргүзүлүүдө», — деп айтылат маалыматта.
Буга чейин, Төө-Ашуу ашуусунда кар жаап, бороон болуп жатканына байланыштуу оор жүк ташуучу унааларга чектөө киргизилген.