• Шаршемби 21 Чын куран 2021

Чүйдө алдамчылыкка шектелип, УКТ мүчөсү кармалды

23 марта 2021 в 11:01 Бишкек Govori.TV

Чүй облусунун Аламүдүн районунда алдамчылыкка шектүү жаран кармалды. Бул тууралуу облустук милициядан кабарлашты.

Маалыматка ылайык, 15-март күнү Аламүдүн РИИБине 1977-жылы туулган жаран арыз менен кайрылган. Анда чала тааныш эркек киши арыз ээсинин ишенимине кирип, 2020-жылдын январь айында үстөк пайыз менен акча сурап, күрөөгө унаа таштап, 3 миң долларын алып, ошол боюнча качып кеткенин жазган.

Бул окуя Кылмыштардын жана жоруктардын бирдиктүү реестрине 204-берене “алдамчылык” боюнча катталып, сотко чейинки өндүрүш иштери башталган.

Издөө иш-чараларынын натыйжасында буга чейин бир нече жолу оор жана өзгөчө оор кылмыштар боюнча соттолгон 1983-жылы туулган жаран кармалган. Текшерүү учурунда ал ИИМдин ыкчам каттоосунда уюшкан кылмыштуу топтун мүчөсү катары турганы аныкталган.

Кармалган жаран тергөө кызматына өткөрүлүп берилди. Учурда сотко чейинки өндүрүш иштери улантылууда.

Количество просмотров: 41