Чүйдүн Сокулук районунда өзүн милиция кызматкеримин деп тааныштырып, дарыканадан акча талап кылган жаран кармалды. Бул тууралуу облустук милициядан билдиришти.
Маалыматка ылайык, 15-ноябрь күнү Сокулук РИИБинин нөөмөт бөлүмүнө белгисиз адам тарабынан акча талап кылуу фактысы тууралуу маалымат келип түшкөн. Окуя болгон жерден милиция кызматкерлерине 1998-жылы туулган У.Э. аттуу жаран арыз жазып, 15-ноябрь күнү болжол менен саат 00:00 чамаларында Новопавловка айылындагы дарыканалардын бирине бейтааныш бирөө кирип, өзүн ички иштер органдарынын кызматкери деп тааныштырып, арыз ээсинен акча каражатын талап кылып, кийин белгисиз тарапка из жашырып кеткенин билдирген.
Бул факты Кылмыштардын жана жоруктардын бирдиктүү реестрине катталып, сотко чейинки өндүрүш иштери башталган.
«Издөө иш-чараларынын натыйжасында жогорудагы жарандын аты-жөнү такталып, кармалган. Ал 1987-жылы туулган Д.А. аттуу жаран болгон жана эч кандай ички иштер органдарында иштебей тургандыгы аныкталып, ал жасалма кызматтык күбөлүк жасап алганы маалым болгон.Кылмышка шектүү 1987-жылы туулган Д.А. убактылуу кармоочу жайга камакка алынып, териштирүү иштеринин жүрүшүндө кылмышка шектүү жарандын Сокулук, Аламүдүн райондорунда жана Бишкек шаарында ушул сыяктуу дагы башка фактыларга тиешеси бар экендиги аныкталган. Кылмышка шектүү дарыканаларга кардар болуп кирип, психотроптук дары сатып алуучу болуп, дарыны алган соң тиешелүү кагаздарын сурабай сатып жатканын айтып, жасалма кызматтык күбөлүгүн көрсөтүп, акча талап кылып жүргөн»,-деп айтылат маалыматта.
Сотко чейинки өндүрүш иштери улантылууда.
Баңгизатты коңшу мамлекеттерге жеткирүү боюнча эл аралык канал уюштурган шектүү кармалды. Бул тууралуу УКМКнын маалымат …
Бишкек шаарындагы мектеп жана бала бакчалардын директорлорунан акча талап кылган Эсептөө палатасынын дагы бир мамлекеттик …
Бишкек шаардык ички иштер башкы башкармалыгынын ыкчам кызматкерлери тарабынан мурда издөөдө жүргөн чет мамлекеттин жараны …
Бишкек шаарында уюшкан кылмыштуу топтун мүчөсү жергиликтүү тургундан опузалап акча алгандыгы үчүн кармалды. Бул тууралуу …
Ички иштер министрлигинин кызматкерлери Жаза аткаруу кызматы менен бирге абак жайларында текшерүү жүргүзүп, кара куурай баңгизаттарды …
Charge fast (тез заряд) пирамидасын уюштурууга шектүү жаран эки айга тергөө абагына камалды. Чечимди 9-мартта …
