Чүй облусунун Аламүдүн районунда айдоочу рулга ээ боло албай, жол кырсыгына кабылды. Жол кырсыгынан төрт адам жабыркады. Бул тууралуу Өзгөчө кырдаалдар министрлигинин басма сөз кызматынан билдирди.
Маалыматка ылайык, кырсык 10-майда саат 18:44тө Панорама дачасына бара жаткан жолдо орун алган. Анда “Хонда CRV” үлгүсүндөгү унаанын айдоочусу рулду башкара албай, унаа оодарылып кеткен. Натыйжада 4 эркек киши жабыркаган.
«Жерине ӨКМнын Бишкек шаары боюнча башкармалыгынын куткаруу кызматынын куткаруучулары барышып, жабыркагандарды Тез жардам кызматына өткөрүп беришкен», — деп айтылат мекеменин маалыматында.