Бүгүн, 17-июнда Жогорку Кеңештин жыйыны өтүүдө. Анын жүрүшүндө депутат Бакыт Төрөбаев министрлер кабинетинин төрагасы Улукбек Мариповго чара көрүү маселесин көтөрдү.
Ал Жогорку Кеңештин төрагасы Талант Мамытовго кайрылды.
«Балким Улукбек Марипов сиз менен жолуккандыр. Балким сизде маалымат бар. Урматтуу кесиптештер, комитеттин чечимин чыгарыш керек. Ишенбөөчүлүк көрсөтөбүзбү же Улукбек Марипов өз ишин так аткара алган жок деп, бир чечим чыгарыш керек. Ошондо маселе олуттуу болот. Азыр келет, сүйлөйт, кетет. Мына кечээ Бакыт Райымкулов сүйлөгөн. Ал (Марипов) биз менен сүйлөшпөй калды, пресса аркылуу жооп берип койду Райымкуловго. Ал биз менен пресса аркылуу сүйлөшүп жатат. Жаңы дайындалганда эмне деп айтты эле, чоң атанын сөзүн сүйлөгөн, акимдер, арыктарыңарды тазалагыла деп. Мына жыйынтык жок, суу жок. Ушул жерде трибунадан Кайырма каналы жөнүндө айтып, эмне болду? Эмне кылабыз келтирип? Азыр комитет карасын, жыйынтык чыгарсын. Азык-түлүктүн баасы көтөрүлдүбү, аркы-берки маселелер көтөрүлдүбү, мына ушулардын негизинде бир чечим чыгарып коюш керек. Президентти уят кылып жатат. Жаңы Конституциянын негизинде иштебейби жок дегенде. Акттарды, дайындоо, буйруктарды кайсы мыйзамдын негизинде чыгарып жатат? Бул түздөн-түз мыйзам бузуу. Конституция боюнча президентке гана укук берилген. Мариповго нааразычылык күчөп жатат», — деди Төрөбаев.
Депутаттар Улукбек Мариповду Жогорку Кеңешке чакырып, сугат суунун жетишсиздиги жана азык-түлүккө болгон баалардын көтөрүлүшү өңдүү маселелер боюнча маалымат алууну талап кылып жатышат.
АЙЫЛ ЧАРБА МИНИСТРИ АЛМАШТЫ Айыл чарба министрлиги Суу ресурстары, айыл чарба жана кайра иштетүү өнөр …
Президент Садыр Жапаров «Кыргыз Республикасынын Министрлер Кабинетинин түзүмүнө өзгөртүүлөрдү киргизүү жөнүндө» Жарлыкка кол койду. Бул …
Ош шаардык кеңеши мэр Бакытбек Жетигеновго ишенбөөчүлүк көрсөтүү чечимин кабыл алды. Бүгүн, 14-ноябрдагы сессиясында депутаттар …
Жогорку Кеӊештин Социалдык саясат комитети “Кыргыз Республикасынын 2024-жылга республикалык бюджети жана 2025-2026-жылдарга пландаштыруу мезгили жөнүндө” …
Министрлер кабинети бир нече депутат демилгелеген «Анык эмес (жалган) маалыматтан коргоо жөнүндө» мыйзамга өзгөртүү киргизүү …
Бүгүн, Жогорку Кеңештин 19-январдагы жалпы жыйынында Шайлообек Атазов Энергетика министринен башка чакырылган министрлердин парламенттин жыйынына …
