Жогорку Кеңештин 14-октябрдагы чукул жыйынында Садыр Жапаров Кыргызстандын өкмөт башчылыгына шайланды. Ошону менен катар өкмөттүн ал сунуштаган курамы жана структурасы жактырылды.
Жапаров депутаттардын алдында сүйлөп жатып өкмөттүн курамында 15-20% өзгөрүү болорун билдирип, тизмесин жарыялады.
Ага ылайык мурдагы экономика министри Артем Новиков биринчи вице-премьерликке, Равшан Сабиров, Максат Мамытканов жана Аида Исмаилова вице-премьер-министрлик кызматтарга сунуш кылынып жатат.
Ал эми депутат Руслан Казакбаев Тышкы иштер министри болуп шайланды.
