Бүгүн, 20-майдагы Жогорку Кеңештин жыйынында депутаттар Айнуру Алтыбаева, Нурбек Алимбеков жана Мирлан Бакиров тарабынан демилгеленген “Саясий партиялар жөнүндө” мыйзам долбоору каралды. Бул тууралуу ЖКнын расмий сайтында жазылды.
Демилгечи депутаттардын бири Айнуру Алтыбаева мыйзам долбоору саясий партиялардын ролун жогорулатуу багытында иштелип чыкканын белгилеп: “Колдонуудагы “Саясий партиялар жөнүндөгү” мыйзам 1999-жылы кабыл алынган жана азыркы шарт-талаптарга жооп бербейт”, – деди.
Андан тышкары эл өкүлү айрым партиялар шайлоо үчүн гана түзүлө калып жатканына токтолуп, алар аймактарда иш алып барбай жатканын кошумчалады.
“Мыйзам долбоорун сунуштоого негизги себептердин бири катары партиялардын ишмердүүлүгүнүн жабыктыгы десек болот. Анткени саясий партиялар ачык-айкын, мүчөлөрүнө отчет берген шартта иш алып барышы керек. Айрыкча, программасы, уставы, каржылык абалы, талапкерлерди сунуштоо тартиби жана башка партияга тиешелүү бардык маалыматтар ачык болушу зарыл”, – деди депутат Айнуру Алтыбаева.
Талкуу маалында депутат Дастан Бекешев мыйзам долбоорун колдоп, каржылоо булагы болбогон учурда, бул жааттагы көйгөйдү чечүү үчүн партияларга коммерциялык жана коммерциялык эмес мекемелерди түзүүгө уруксат берүү сунушун берди. Андан тышкары, партиялардын лидерлеринин жеңил алмашуу механизмин киргизүүнү демилгеледи.
Ал эми депутат Алтынбек Жунус уулу мыйзам долбоорундагы саясий партиялардын ишмердүүлүгүн мамлекеттик каржылоо тууралуу пунктка каршылыгын билдирип, бюджетти артыкчылыктуу багыттарга жумшоо маанилүү экенин белгиледи.
Айнуру Алтыбаева депутаттын бул сунушу боюнча аталган пунктту экинчи окууда алып салууга каршы эместигин айтты.
Талкуу соңунда мыйзам долбоору биринчи окууда добуш берүүгө жөнөтүлдү.
Жогорку Кеңеш Министрлер кабинетинин төрагасы демилгелеген «Жергиликтүү өз алдынча башкаруу чөйрөсүндөгү айрым мыйзам актыларына өзгөртүүлөрдү …
Баш мыйзамдын 30 жылдыгына жана Адам укуктарынын жалпыга таанылган декларациясынын 75 жылдыгына байланыштуу мунапыс жөнүндөгү …
КЫТАЙ ПРЕМЬЕРИНИН ИШ САПАРЫ Президент Садыр Жапаров Кытай мамлекеттик Кеңешинин премьери Ли Цянды кабыл алды. …
Бүгүн, 17-октябрда Президенттин жана Министрлер кабинетинин Жогорку Кеңештеги туруктуу өкүлү Алмасбек Абытов депутат Надира Нарматова …
Жогорку Кеңешк персоналдык компьютер сатып алууга конкурс жарыяланды. Бул тууралуу маалымат Мамлекеттик сатып алуулар порталына …
ЧЕК АРАДА КУРМАН БОЛГОНДОРДУН ЖАКЫНДАРЫНА СОЦПАКЕТ Президент Садыр Жапаров Баткенде чек арада курман болгондордун үй-бүлөсүнө …
