Европарламент көпчүлүк добуш менен Британиянын Евробиримдиктен чыгышы жөнүндөгү келишимди колдоду. Документке 621 депутат макул, 49у каршы болуп, 13ү добуш берүүдөн карманды. Келишимди Европа Кеңеши 30-январда бекитери күтүлүүдө.
Добуш берүүдөн кийин депутаттар өйдө туруп, шотландиялык салттуу Auld Lang Syne ырын аткарышты. Адатта бул ажырашууга мезгил келгенде ырдала турган чыгарма. Парламенттин айрым мүчөлөрү эмоцияларын жашыра алган жок.
Улуу Британия Брекзит боюнча референдумдан үч жыл өткөндөн кийин Евробиримдиктин курамынан чыгууда. Британ парламенти ЕБ менен түзүлгөн келишимге макул болбой, альянстан чыгуу датасы үч жолу жылдырылган. Былтыр премьер-министр болгон Борис Жонсон Евробиримдик менен жаңы келишим түзүп, британ парламентинде мөөнөтүнөн мурун шайлоо өткөрүп, жеңишке жеткен. Учурда өкүлдөр палатасында консерваторлор көпчүлүк добушка ээ жана мыйзам долбоорун тоскоолдуксуз колдоп беришти.
Улуу Британия Евробиримдиктин курамынан 31-январда чыгат.
Евробиримдиктен чыккандан кийин Британия үчүн өткөөл мезгил башталып, ал 2020-жылы 31-декабрда аяктайт. Ага чейин жаңы соода келишими кабыл алынышы керек.
Улуу Британия Евробиримдикке 1973-жылы кошулган жана андан чыгып кеткен алгачкы өлкө болуп калды.
Министрлер кабинетинин төрагасы Акылбек Жапаров “Кыргызстан – Европа Биримдиги” парламенттер аралык комитетинин теңтөрагасы, депутат Томас …
13-июлда Страсбургда жайгашкан Европарламенттин жыйынында Кыргызстандагы адам укуктарынын абалына, сөз эркиндигине жана маалымат каражаттарына болгон …
Президент Садыр Жапаровдун ушул жылдын 17-20-майында Кытай Эл Республикасына (КЭР) болгон биринчи мамлекеттик сапарынын жыйынтыгында …
Европа парламенти 15-февралда «Грузиянын мурдагы президенти Михаил Саакашвилинин жагдайы тууралуу» резолюцияны жактырды. Анда саясатчыны эркиндикке …
Парламент депутаттары Тоолуу Бадахшан автономдуу облусундагы нааразылыктарды басууда Тажикстан бийлигинин демонстранттарга, журналисттерге жана активисттерге болгон …
Шейшемби, 1-мартта Европарламент көпчүлүк добуш менен Украинанын Европа Биримдигине кирүү арызын карап, ага талапкер өлкө …
