Бишкектин Биринчи май райондук соту бүгүн, 10-мартта президенттин аппаратынын мурунку жетекчиси Фарид Ниязовдун баш коргоо чарасын карап, камактагы мөөнөтүн узартты. Кундуз Жолдубаева социалдык түйүндөгү баракчасына жарыялаган маалымат боюнча, Фарид Ниязов СИЗО-1 абагында 7-апрелге чейин камакта болот.
Ал эми УКМКнын 9-кызматынын мурунку башчысы Канат Сагымбаевдин үй камагындагы мөөнөтү узартылды.
«Баш коргоо чарасы 9-октябрда «Ала-Тоо» аянтында болгон баш аламандыктарды уюштурууга байланыштуу козголгон кылмыш иши боюнча каралды», — деп түшүндүрдү К.Жолдубаева.