Бүгүн, 2-сентябрда Бишкекте Кыргызстандын футбол боюнча курама командасы Үч улуттун кубогу мелдешинин алкагында Палестина менен беттешет.
Маалым болгондой, оюн Дөлөн Өмүрзаков атындагы стадиондо өтүп, саат 20:30да башталат.
Кошумчалай кетсек, 5-сентябрда Палестина менен Бангладеш жана 7-сентябрда Кыргызстан менен Бангладеш ойнойт. Аталган мелдеш Кыргызстандын курамасынын 2023-жылы өтө турган Азия Кубогунун тандоо оюндарына даярдык көрүү максатында өтүп жатат.