Жогорку Кеңешке шайлоого катышып жаткан партиялар үгүт иштерине бир апта ичинде 52 млн 264,7 миң сом жумшашты. Бул тууралуу Борбордук шайлоо комиссиясы билдирди.
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 41-беренесинин 12-пунктуна ылайык банк же башка мекемелер саясий партиянын атайын эсебинде турган каражаттардын түшүүсү жана чыгымдалышы жөнүндө Борбордук шайлоо комиссиясына жума сайын маалымат берип турууга милдеттүү. Ал маалымат келип түшкөнүнө жараша жеке маалыматтар жана банк сыры жөнүндө мыйзамдарды эске алуу менен Борбордук шайлоо комиссиясынын расмий сайтына милдеттүү түрдө жайгаштырылууга тийиш.
КР БШКнын контролдук-текшерүү тобу 2020-жылдын 25-сентябрга карата банк маалыматтарынын негизинде 16 саясий партиянын шайлоо фондуларына каражаттардын түшүүсү жана чыгымдалышы жөнүндө маалымат берди.
Маалыматка ылайык, каражат короткон партиялардын алдында «Мекеним Кыргызстан», «Кыргызстан», «Биримдик» партиялары келе жатат.
| № | Саясий партиянын аталышы | Келип түштү | Чыгымдалды |
| 1 | “Биримдик”(Единство)” демократиялык партиясы | 97 473 300 | 94 736 258 |
| 2 | “Мекенчил” | 14 944 025 | 13 953 869 |
| 3 | “Ыйман Нуру” адилеттүүлүк жана өнүгүү партиясы | 7 228 800 | 7 115 634 |
| 4 | “Мекеним Кыргызстан” | 118 128 742 | 116 108 485 |
| 5 | “Реформа” | 7 607 642 | 7 443 417 |
| 6 | “Ата Мекен” социалисттик партиясы | 49 456 717 | 46791413 |
| 7 | “Замандаш” | 39 476 153 | 39 157 832 |
| 8 | “Бүтүн Кыргызстан” | 8 725 524 | 8 633 251 |
| 9 | “Социал-Демократтар” | 13 839 470 | 13 750 579 |
| 10 | “Мекен Ынтымагы” | 7 113 360 | 7 113 213 |
| 11 | “Афганистан согушунун ардагерлери жана ушул сыяктуу кагышууларга катышкандардын саясий партиясы” | 10 564 500 | 10 545 755 |
| 12 | “Ордо” | 9 380 000 | 9 338 879 |
| 13 | “Бир Бол” мамлекеттик биримдик жана мекенчил партиясы“ | 43 936 293 | 43 022 160 |
| 14 | “Республика” | 36 647 905 | 36 571 968 |
| 15 | “Кыргызстан” | 98 423 142 | 96301939 |
| 16 | “Чоң Казат” | 6 688 914 | 6 467 754 |
| Бардык саясий партиялар боюнча: | 569634487 | 557052406 |
