Инвестицияны илгерилетүү жана коргоо агенттигинин мурдагы жетекчиси Данияр Акматов 5 жылга кесилди. Бул тууралуу Жогорку соттун басма сөз кызматы билдирди.
Бишкек шаарынын Биринчи май райондук сотунунун 2024-жылдын 15-апрелиндеги өкүмү менен Данияр Акматов Кылмыш-жаза кодексинин 266-беренесинин 1-бөлүгүндө каралган кылмышты жасаган деп айыпталып, күнөөлүү деп табылып, 5 жылдык мөөнөткө эркиндигинен ажыратылган.
Акматовдун иши Бишкек шаардык сотунда да каралып, 2024-жылдын 22-августундагы өкүмү менен шаардык сот Биринчи май райондук сотунунун өкүмүн күчүндө калтырган.
Эске салсак, УКМК Данияр Акматов президенттин жардамчысынан 300 миң доллар талап кылууга шек саналып кармалганын билдирген. Атайын кызматтын маалыматына караганда, ал колундагы чагымчыл материалдарды маалымат каражаттарына берүү менен коркутуп, акча талап кылган.
Бул факты боюнча кылмыш иши козголуп, 2023-жылдын 6-сентбярда сураган акчасынын бир бөлүгүн алып жаткан учурда колго түшкөн. Ал УКМКнын убактылуу кармоочу жайына киргизилген.
Данияр Акматов социалдык тармактын активдүү колдонуучуларынын бири болгон. Өкмөттүн ККМге байланыштуу чечимин сындап, электр энергиясын үнөмдөөдөн мурда майнинг компанияларды тыюу керек экенин жазган.
Акматов инвестиция илгерилетүү жана коргоо боюнча агенттигинин директору болуп 2020-жылы октябрда дайындалган. 2021-жылдын башында кызматтан кеткен.
Фархат Иминов Виртуалдык активдер жана блокчейн-технологиялар боюнча улуттук агенттиктин башчысы болуп дайындалды. Бул тууралуу президенттин …
Бишкектин Биринчи май райондук сотунун чечими менен президенттин Ош облусундагы мурдагы өкүлү, экс-депутат Зиядин Жамалдинов …
Жакында эле президенттин ырайымы менен абактан чыккан Даниел Ажиев эки айга Токмок шаардык ички иштер …
“Бишкек” эркин экономикалык аймагынын мурдагы директору Кудрет Тайчабаров 30-декабрга чейин камакка алынды. Мындай чечимди Бишкектин …
Бишкек шаарында көп кабаттуу үйлөрдүн биринин балконунан кулаган 37 жаштагы аялдын өлүмүнө байланыштуу кармалган чет …
Экс-президент Сооронбай Жээнбековдун кудасы Алиярбек Абжалиев кайрадан камакка алынды. Маалыматка ылайык, Бишкек шаарынын Октябрь райондук …
