Чүй облусуна караштуу Восток айылында колуна бычак кармап, көчөдө жүргөн жаран кармалып, милицияга жеткирилди.
Облустук милициядан билдиришкендей, 8-июнда соцтармактарга Восток айылында көчөдө бычак көтөргөн адам айыл тургундарынын дарбазаларын каккылап жатканы тартылган видео тараган.
Бул факт каттоого алынып, териштирүү иштери башталган.
«1983-жылы туулган жаран Восток айылынын тургуну экени жана ал мас абалында болгону аныкталды. Териштирүү иштери жүрүп жатат. Анын жыйынтыгы менен коомдук тартипти бузган адамга карата мыйзамга ылайык чара көрүлөт», — деп айтылат маалыматта.