Кыргыз Республикасынын Баатыры Күлүйпа Кондучалованын 100 жылдыгына карата “Күлүйпа Кондучалова жана кыргыз маданияты” жумалыгы жарыяланат. Бул тууралуу Маданият, маалымат жана туризм министрлигинин басма сөз кызматынан билдиришти.
Маалым болгондой, Кыргыз Республикасынын Баатыры, мамлекеттик жана коомдук ишмер, легендарлуу мурдагы маданият министри, Кыргыз Республикасынын маданиятына эмгек сиңирген ишмер Күлүйпа Кондучалованын туулганына 2020-жылдын 15-июнунда 100 жыл толот.
Белгилүү мамлекеттик жана коомдук ишмердин мааракеси Кыргыз Республикасынын Өкмөтүнүн мамлекеттик деңгээлде өткөрүлүүчү мааракелердин тизмесине кирген. Мааракелик чоң салтанат ушул жылдын күз айларында жалпы коомчулуктун катышуусунда белгиленүүсү күтүлүүдө. Ал эми залкар инсандын туулган күнүн утурлай Кыргыз Республикасынын Маданият, маалымат жана туризм министрлиги Күлүйпа Кондучалова жана кыргыз маданияты” жумалыгын жарыялады. Жумалык өлкөдөгү өзгөчө абалга ылайык онлайн форматта өтөт.
Жумалыктын алкагында Күлүйпа Кондучалованын Кыргыз маданиятынын өнүгүп өсүшүнө жана калыптанышына кошкон салымдарын чагылдырган атайын түз эфирлер, онлайн-көргөзмөлөр, маданий иш- чаралар уюштурулат.
Кошумчалай кетсек, жумалыктын расмий ачылышы жана китеп көргөзмө 2020 –жылдын 8- июнь күнү саат 15:00 А. Осмонов атындагы Кыргыз Улуттук китепканасында өтөт.
Үстүбүздөгү жылдын январь айынан бери Маданият, маалымат, спорт жана жаштар саясаты министрлиги тарабынан 14 телерадиоканалга …
30-августта Маданият, маалымат, спорт жана жаштар саясаты министрлиги Кыргызстанда ТикТокту колдонууга тыюу салган чечим кабыл …
Президент Садыр Жапаровдун тапшырмасы менен маданият, искусство жана спорт чөйрөсүнө 673 млн 515 миң бюджеттик …
Маданият, маалымат, спорт жана жаштар саясаты министринин орун басары Марат Тагаев «Кемпир-Абад Өзбекстандыкы болгон»,-деген билдирүүнү …
