Улуттук коопсуздук мамлекеттик комитетинин төрагасы Камчыбек Ташиев Ошто атайын кызматтын тергөөчүсүнүн кармалышы боюнча комментарий берди.
Бишкекте министрлер кабинети менен облустук мамлекеттик администрациялардын жана жергиликтүү өз алдынча башкаруу органдарынын жетекчилеринин катышуусунда республикалык кеңешме өтүүдө.
Иш-чарада Ташиев УКМК кызматкерин кармоо боюнча атайын операция Башкы прокуратура, Ички иштер министрлиги жана атайын кызматтар менен биргеликте пландалган жана даярдалганын айтты.
“Бул тууралуу маалымат мага жеткен. Биздин жарандан УКМКнын тергөөчүсүнүн бири андан ири суммадагы акча талап кылып жаткандыгы тууралуу арыз мага жеке тапшырылган. Реакция кылуу үчүн арызды Башкы прокуратурага бердик. Башкы прокуратура, Ички иштер министрлиги менен жыйын өткөрүп, андан кийин пара талап кылган адам кармалды”, — деди ал.
УКМКнын төрагасы айрым аткаминерлер жана ЖМКлар туура эмес маалымат таратканын белгилеп, бул үчүн алар жоопко тартылышы керектигин кошумчалады.
“Министрлердин деңгээлиндеги айрым чиновниктер биздин ортобузда пикир келишпестиктер тууралуу айта баштаганы жөнүндө маалыматыбыз бар. Пикир келишпестиктер жок жана эч качан болбойт. Бардык иш президенттин катуу көзөмөлүндө жүргүзүлүүдө. Бүт мамлекеттик органдар президенттин жана мамлекеттик органдардын чечимдерин билиши жана колдошу керек. Маалыматтарды берүү учурунда бардык мамлекеттик органдар жана кызматкерлер көзөмөлдө болорун эстен чыгарбагыла”, — деди Ташиев.
Эскерте кетсек, 19-январда О.А. аттуу жаран УКМКнын Ош шаары жана Ош облусу боюнча тергөөчүсү Т.Ы.га жана башка кызматкерлерге карата чара көрүү жөнүндө арыз менен кайрылган. Анда арыз ээсине каршы кылмыш иши боюнча куугунтуктоону токтотуу үчүн андан 20 миң доллар пара талап кылганы жазылган.
Арыздын негизинде Башкы прокуратуранын тергөө башкармалыгы тарабынан Кылмыш-жаза кодексинин 343-беренесинин 3-бөлүмү (“Өзгөчө ири өлчөмдө пара талап кылуу”) боюнча кылмыш иши козголгон.
20-январда УКМКнын Ош шаары жана Ош облусу боюнча башкармалыгынын имаратында тергөөчү Т.Ы. 15 миң доллар өлчөмүндө пара алып жаткан жеринен кармалган.
Жогорку Кеңештин мурдагы депутаты Камчыбек Жолдошбаев келтирилген зыяндын ордун толук төлөп берди. Бул тууралуу УКМКнын …
Адам органдарын мыйзамсыз сатуу менен алектенген трансулуттук топтун ишмердүүлүгүнө бөгөт коюлду. Бул тууралуу УКМКнын басма …
Бишкек шаарынын Ленин райондук ИИБнин иликтөө кызматынын тергөөчүсү пара талап кылуу фактысы менен кармалды. Бул …
Борбор калаанын вице-мэри Максатбек Сазыкулов мыйзамсыз курулган коммерциялык объектилерди калкалаганы үчүн кармалды. Бул тууралуу УКМК …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Улуттук коопсуздук мамлекеттик комитети Кыргызстанда синтетикалык баңгизаттарды таратуу фактылары көбөйгөнүн маалымдады. Азыркы учурда, комитет бүткүл …
