Кыргыз Республикасынын Президенти Садыр Жапаров бүгүн, 6-апрелде, Казакстан Республикасынын Президенти Касым-Жомарт Токаев менен телефон аркылуу сүйлөштү.
Сүйлөшүү жүрүшүндө Казакстандын Президенти Касым-Жомарт Токаев Президент Садыр Жапаровду «Центерра» компаниясы менен талашты жөнгө салуу жөнүндө макулдашууга кол коюлушу менен куттуктады.
Өз кезегинде Садыр Жапаров Касым-Жомарт Токаевге ыраазычылык билдирип, макулдашууга жетишүү оңой болбогонун белгиледи.
Ал кыргыз тараптан кыргыз элинин кызыкчылыгы гана биринчи орунга коюлганын белгиледи. Узакка созулган сүйлөшүүлөрдүн натыйжасында бүгүнкү күндө Кыргызстан үчүн мүмкүн болушунча пайдалуу жыйынтыктарга жетишүү мүмкүн болду.
Тараптар алдыдагы мааракелик дата — эки өлкө ортосундагы дипломатиялык мамилелердин орнотулгандыгынын 30 жылдыгына басым жасоо менен кыргыз-казак стратегиялык өнөктөштүгүн өнүктүрүүнүн келечегин талкуулашты.
Садыр Жапаров менен Касым-Жомарт Токаев 2022-жылдын 26-27-майында Бишкекте өтө турган Жогорку Евразиялык экономикалык кеңештин жыйынынын жана Евразия экономикалык форумунун алкагында Казакстандын Президентинин Кыргызстанга сапарын макулдашты.
Ошону менен катар Садыр Жапаров Казакстан Республикасынын чек арасын Кыргыз Республикасынын жарандары үчүн ачуу маселесин оң жагына кароону өтүндү. Касым-Жомарт Токаев Казакстан Республикасынын тиешелүү мамлекеттик органдарына бул маселени негиздүү түрдө кароону тапшыра турганын билдирди.
Тараптар ошондой эле, аймактык күн тартибиндеги актуалдуу маселелер боюнча пикир алышты.
Соңунда Садыр Жапаров менен Касым-Жомарт Токаев ыйык Рамазан айынын башталышына байланыштуу бири-бирин куттукташты.
Президент Садыр Жапаров Ош, Жалал-Абад, Баткен жана Талас облустарында катуу жааган жаандан катталган селдин кесепеттеринен …
Президент Садыр Жапаров 24-25-апрелде мамлекеттик сапар менен Азербайжан Республикасына барат. Бул тууралуу президенттин администрациянын тышкы …
Президент Садыр Жапаров Бишкектин четинде жайгашкан жаңы футболдук стадиондун курулушу эки жылда аяктай тургандыгын билдирди. …
Президент Садыр Жапаров бүгүн, 18-апрелде, расмий сапары менен Казакстан Республикасына келди. Бул тууралуу президенттин басма …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
