24-октябрда Карагандынын тергөө соту улуттар аралык кастыкты козуткан деп шектелген 32 жаштагы жергиликтүү тургунду эки айга камакка алууга санкция берди.
Шектүүнүн аты-жөнү расмий маалыматтарда айтылган эмес. 14-октябрда Kozachkov offside Телеграм-каналында шектүү мурда коомчулукка белгисиз, Павлодар облусунда туулган Мейирбек Мукин экенин билдирген. Полициянын маалыматы боюнча, кармалган жаран мурда “каракчылык” беренеси менен соттолгон.
Быйыл жайында Казакстандын Кылмыш-жаза кодексине өзгөртүү киргизилип, массалык маалымат каражаттары жана телекоммуникация тармактарынан тышкары, интернет-платформаларын колдонуу менен кастыкты козуткандарга жоопкерчилик белгиленген. 10-сентябрдан тарта өзгөртүүлөр күчүнө кирди.