«Биринчи варианты бул Казакстанда калыптанып калган бааларды кармануу. Бирок анда Орусияда баалар мындан дагы жогоруласа, бизде таңкыстык жаралып, бардык күйүүчү май ташылып кетиши мүмкүн. Ошондуктан биз чек арабызды көзөмөлдөшүбүз керек. Бизде башка жол жок. Экинчи вариант бааларды Орусиядагыдай деңгээлге жеткирүү. Бирок бул фантастика. Ошентсе да биз бул вариантты жокко чыгарган жокпуз. Мындай болгондо өкмөт керектөөчүлөргө акчалай жардам берүү боюнча кандайдыр бир чараларды көрүшү керек болот», — деди министр.