Бул маалыматты премьер-министр Мухамедкалый Абылгазиев бүгүн, 30-апрелде парламентте билдирди. Өкмөт башчынын айтымында, оорунун очогу болуп саналган 114 аймакта 805 миң адам текшерүүдөн өткөн. Алардын ичинен 35 адам коронавирус илдетин жугузганы аныкталган.
Анын айтымында, алар вирусту кайдан, кимден жуктуруп алышканын билишпей турганын билдирди.
Өкмөт башчы 1-майдан тартып үч баскыч менен ишмердүүлүгүнө уруксат берилген ишканалар санитардык талаптарды так аткарууга милдеттендирилгенин эскертти:
«Ар бир ишкана өзүндө иштеген жумушчулардын илдетке чалдыгышынын алдын алат. Эгер бир киши ооруса, аны менен кошо иштеген адамдардын обсервациясы жана башка чыгымдары ишкана жетекчилигинин мойнуна коюлат».
Кыргыз өкмөтү экономикалык ишмердүүлүктү жандандыруу максатында 1-майдан тартып үч баскыч менен ишкана-мекемелердин ишке киришүү механизмин иштеп чыккан. Биринчи баскычтан ишке кирүүчү тармактарга өндүрүш, өнөр жайы, курулуш, соода, тейлөө тармагы кирет.
Коронавирус пандемиясына байланыштуу Кыргызстанда 22-марттан тартып өзгөчө кырдаал киргизилген. 25-марттан тартып оору көп катталган Бишкек, Жалал-Абад, Ош шаарларына, Кара-Суу, Ноокат жана Сузак райондоруна өзгөчө абал жарыяланган. 15-апрелден тартып алардын катарына Нарын шаары менен Ат-Башы району кошулган.
Президент Сооронбай Жээнбековдун 28-апрелдеги жарлыгы менен Нарын шаарынан, Кара-Суу, Ноокат жана Сузак райондорунан өзгөчө абал алынды. Ал эми Бишкек, Жалал-Абад, Ош шаарларында, Ат-Башы районунда өзгөчө абал 10-майга чейин узартылды.
30-апрелге карата Кыргызстанда СOVID-19 вирусуна 746 адам чалдыккан.
Кожомкул атындагы спорт сарайында 29-сентябрь күнү кыргыз күрөш боюнча эл аралык мелдеш болуп өттү. Кыргыз күрөш …
Мурдагы премьер-министр Мухаммедкалый Абылгазиев 50 миллион сом төлөп абактан чыкты. Маалыматты Govori.TVга УКМКнын басма сөз …
Улуттук коопсуздук комитетинин тергөө абагында отурган мурдагы премьер-министр Мухаммедкалый Абылгазиев дагы эки ай абакта болот. …
Мурдагы премьер-министр Мухаммедкалый Абылгазиев эки айга камалды. Мындай чечимди Биринчи Май райондун сот кабыл алды. …
Мурдагы премьер-министр Мухаммедкалый Абылгазиевди шалаакылык үчүн айыптаган арыз коронавирус эпидемиясына байланыштуу иштерге тиркелип, чогуу териштирилип жатат. Бул …
Бүгүн Өкмөт үйүндө Кыргыз Республикасынын Премьер-министринин ыйгарым укуктарын өткөрүп берүү расмий иш-чарасы өттү. Бул тууралуу …
