Ушул жылдын 7-8-август күндөрү Кой-Таш айылында түзүлгөн кырдаалды иликтөө боюнча мамлекеттик комиссиянын корутундусу 4-декабрда профилдик комитетке жөнөтүлдү. Бул тууралуу 24.kg агенттигине Жогорку Кеңештин Наталья Никитенко билдирген.
Анын айтымында, корутунду комитеттин жыйынында ачык түрдө каралат.
Эске салсак,Кой-Таш окуясы боюнча мамлекеттик комиссия премьер-министр Мухаммедкалый Абылгазиевдин чечими менен 29-августта түзүлгөн. Аны вице-премьер-министр Жеңиш Разаков жетектейт. Комиссияга Жогорку Кеңештин жети депутаты, мамлекеттик органдардын өкүлдөрү жана коомдук саясий ишмерлер, эксперттер кирген.