“GOVORI.TV” мультимедиалык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында тренингин өткөрдү. Ага Ош, Жалал-Абад, Чүй, Талас, Бишкек, Баткен, Нарындан келген 17 айым катышты. Катышуучулардын арасында мамлекеттик кызматкерлер, жергиликтүү кеңештин депутаттары, мугалим, ишкерлер бар.
Аймактардан келген алдыңкы айымдар «Кыйын» аталышындагы телевизиондук ток-шоусунда өлкөдөгү орчундуу көйгөйлөрдү талкуулашты. Бүгүнкү чыгарылышта «Аймактардагы жалпыга маалымдоо каражаттарынын абалы» тууралуу маселе талкууланат.
Катышуучулар: Гулназ Камбаралы кызы Ооган-Талаа мультимедиалык борборунун координатору жана Нургуль Курманалиева — Нарын медиа борборунун журналисти.
Модераторлор: Кайыргүл Урумканова, Аскер Сакыбаева.