Тажикстандын жарандары президенттин Баткен облусундагы өкүлүнүн орун басары бара жаткан унаага таш ыргытышкан. Маалыматты Баткен облустук ички иштер башкармалыгынын басма сөз кызматы тастыктады.
Маалыматка караганда, окуя 29-июлда болжол менен саат 20:15 чамаларында болгон. Унаанын алдыңкы жана арткы айнектери сынган. Рахимов жергиликтүү бийлик башчылары менен бирге Ак-Сайда өрттөлгөн үйлөрдүн ордунда жүрүп жаткан жаңы курулуш иштерин көрүп чыккандан кийин Таш-Тумшукка барган. Ал жакта да калыбына келтирүү иштери менен таанышып жаткан учурда жанаша жайгашкан Тажикстандын Кожайло айылынын 15-20га жакын тургуну келген. Ортодо пикир келишпестик жаралып, тажикстандык бир жаран таш менен урган.
Аталган факт Баткен райондук ички иштер бөлүмүндө КР Кылмыш кодексинин «Бейбаштык» беренеси боюнча катталды.
«Баткен облустук ички иштер башкармалыгынын жетекчилигинин Ифара райондук милициясынын жетекчилиги менен сүйлөшүүсү болду. Жыйынтыгында тажик тарап келтирилген зыяндын ордун толтурат»,-деп айтылат маалыматта.
Аталган чек арага жакын аймактарда Баткен милиция кызматкерлери тарабынан элдин коопсуздугун сактоо максатында алдын алуу, түшүндүрүү иштери алып барылууда.
Баткен облусунун кыргыз-тажик чек арасына жакын аймактарда жарылбай калган снаряддар зыянсыздандырылууда. Бул тууралуу Коргоо министрлигинин …
Баткен облусундагы Дахма аймагында абал туруктуу. Бул тууралуу УКМКнын Чек ара кызматынан билдиришти. Маалыматка караганда, …
Кыргыз-тажик мамлекеттик чек арасындагы абал туруктуу. Бул тууралуу УКМКнын Чек ара кызматынын коомчулук жана ЖМК …
6-августка карата кыргыз-тажик чек арасында бал туруктуу. Бул тууралуу өлкөнүн Чек ара кызматы кабарлады. Маалыматка …
Парламент жыйынында депутат Бейшеналы Нурдинов Баткен облусундагы кыргыз-тажик чек арасындагы абал боюнча маалымат берүүнү суранды. …
Быйыл 26-мартта чек ара боюнча өкмөттүк делегациянын башчысы, УКМК төрагасы Камчыбек Ташиев “Ворух” анклавына байланыштуу …
