«Кыргыз темир жолу» ишканасынын эл аралык каттамдагы жүргүнчү ташыган поезддери коронавируска байланыштуу убактылуу ишин токтотту. Бул тууралуу аталган ишканадан кабарлашты.
Маалыматка ылайык, бүгүн, 17-марттан баштап, Бишкек – Москва, Бишкек – Казань, Бишкек – Новосибирск багыты боюнча каттаган поезддер ишин токтотот.
«Буга чейин билет алып койгон жүргүнчүлөргө акчасы толугу менен кайтарылып берилет. Бишкек — Мерке каттамы дагы Кайыңды станциясына чейин кыскартылды», — деп айтылат маалыматта.
Ал эми Кыргызстандагы Бишкек — Токмок, Бишкек — Кара-Балта ички каттамдары өзгөрүүсүз иштей берет.