“Ата Мекен” саясий партиясынын лидери Өмүрбек Текебаевди ооруканынын неврология бөлүмүнөн, №47 абагына которду. Бул тууралуу Текебаевдин жактоочулары билдирди.
Эске салсак, мурдагы депутат Өмүрбек Текебаев дарылануусун оорукананын неврология бөлүмүндө улантып жаткан.
Дарыгерлердин 25-августтагы атайын жыйынынын тыянагы менен ушундай чечим кабыл алынды. Бул тууралуу Текебаевдин партиялашы, Алмамбет Шыкмаматов билдирген.
Кошумчалай кетсек, Текебаев №47 абактан Бишкектеги Мирсаид Миррахимов атындагы улуттук кардиология жана терапия борборуна 31-июлда которулган. Мындан кийинки дарылануусу да ошол оорукананын неврология бөлүмүндө уланмакчы, бирок ал жерде канчага чейин жатары белгисиз экени айтылган.