Майдан: Энергетикадагы таңкыстыкты жоюу жолдору кандай? (Түз эфир)

Кыргызстандын дээрлик бардык аймагында электр жарыгы күнүгө 1-2 саатка өчүрүлүп турду. Буга байланыштуу нааразылыктар айтылды.

«Улуттук электр тармагы» мындай чара Токтогул жана Үч-Корган ГЭСтеринде гидроагрегаттарды реконструкциялоо иштери башталганы менен түшүндүрдү.

7-мартта Садыр Жапаров өлкөдө электр энергиясы эң көп керектелген маалдарда аны колдонууга чектөө киргизизилип жатканын билдирди. «Кабар» улуттук маалымат агенттигине курган соңку маегинде муну «келерки күз-кыш мезгилине даярдык көрүү катары түшүнүү керектигин» айтты.

Энергетика министрлиги өлкө боюнча 8-марттан тарта электр энергиясын маал-маалы өчүрүүлөр аяктаганын билдирди. 

«Энергетикадагы таңкыстыкты жоюу жолдору кандай?» деген темадагы «Майдандын» катышуучулары:

Атабек Абылгазиев- Энергетика министринин орун басары;

Расул Умбеталиев — энергетика боюнча эксперт;

Эрнест Карыбеков — энергетика боюнча эксперт;

Жолдошбек Доктурбай уулу — Кыргызстан улуттук электр тармагы” ААКтын башкы директорунун биринчи орун басары.