Социалдык тармактарга тарап жаткан эки кыздын мушташы жана ага кошумча тиркелген өлгөн келиндин видеосу эки башка окуя. Бул тууралуу Govori.TVга Жалал-Абад облустук ички иштер бөлүмүнүн басма сөз кызматынын инспектору Шеркул Турганбаев билдирди.
Маалыматка ылайык, интернетке тараган тасманын биринде Сузак районунда күйөөсүнүн ур-токмогунан улам каза болгон 39 жаштагы аял тартылган.
«Үстүбүздөгү жылдын 1-июнунда милицияга жергиликтүү тургун кайрылып, анын эжеси катуу ур-токмоктон улам каза болгонун жана жездесине карата чара көрүүнү өтүнгөн. Аталган факт каттоого алынып, КРнын Кылмыш-жаза кодексинин 122-беренеси боюнча (“Адам өлтүрүү”) кылмыш иши козголгон. Арыз ээсинин айтымында, аялдын колунда, башында жана буттарында көк ала тактар болгон. Бул иш боюнча шектүү кармалып, ал өз көрсөтмөсүндө мас абалда болгонун жана аялын чаап салганын билдирген. Ал эртең менен аялынын жансыз денесин тапкан. Шектүү камакка алынып, учурда териштирүү уланууда»,-деди ал.
Ал эми жаш кыздардын мушташы боюнча төмөндөгүлөрдү билдирди.
«Окуя ушул жылдын 7-май күнү Жалал-Абад шаарында болгон. Видео боюнча материал Жалал-Абад ШИИБге катталып, милиция тарабынан алдын ала териштирүү жүргүзүлгөн. Текшерүүнүн жүрүшүндө видеодогу мушташып жаткан кыздардын аты-жөнү аныкталган. 2006 жана 2003-жылы туулган кыздар милицияга жеткирилген. Бирок бул эки кыз жакын курбу болгондуктан, жабырлануучу эч кимге арыз доосу жоктугун билдирип, соттук-медициналык экспертизадан өтүүдөн баш тарткан. Натыйжада иш кыскартылган»,-деп кошумчалады Шеркул Турганбаев .
Жалал-Абад шаарынын милициясы күйөөсүн өлтүрүүгө шектелген аялды кармады. Бул тууралуу облустук милициядан билдиришти. Маалыматка ылайык, …
Борбор калаадагы №1 үй-бүлөлүк дарыгерлер борборунда 55 жаштагы аялга антибиотик дарысы сайылгандан кийин өзүн жоготуп, …
Чүйдүн Жайыл районунда жол кырсыгынан эки адам каза болду. Бул тууралуу Чүй облустук Жол кыймылынын …
Токмокто 18 жаштагы жигит жүк ташуучу унаанын чиркегичинин алдында калып каза болду. Маалыматты Чүй ОИИБден …
Ысык-Көл облусунун Каракол шаарында 67 жаштагы аялды өлтүрүүгө шектелген жаран кармалды. Маалыматты облустук милициянын басма …
Кыргызстанда 6 ай ичинде 1662 өрт кырсыгы катталды. Бул тууралуу Өзгөчө кырдаалдар министрлигинин коллегиясында айтылды. …
