Москванын Басман соту «Крокус сити холлдогу» терактка шектелген Мухаммадсобир Файзов менен Шамсидин Фаридуниди 22-майга чейин камакта калтырды. Бул тууралуу Би-Би-Си жазды.
Буга чейин Басман соту дагы эки шектүү Далержон Мирзоев менен Муродали Рачабалисоданы камакка алууга санкция берген. Соттон билдиришкендей, алар күнөөсүн мойнуна алышкан. Соттук отурум жабык өткөн.
Куралчан белгисиз топ 22-марттын кечинде Москванын четиндеги «Крокус Сити Холл» концерттик залына миңдеген адам топтолгон учурда ок жаадырган. Кандуу окуяда каза болгондордун саны акыркы маалыматтар боюнча 137ге жетти.