21-сентябрда Германиянын федералдык полициясы өзбек тектүү орусиялык миллиардер Алишер Усмановго байланышы бар делген бир нече кыймылсыз мүлктү, анын ичинде Бавариянын Тегернз көлүндөгү вилласын тинтүүгө алды.
Жергиликтүү прокуратура тинтүү төрт федералдык аймактагы 24 объектиде жүрүп, ага 250 киши катышканын билдирди. Тергөөнүн маалыматына караганда, Усманов ага санкция киргизилгенден кийин мүлкүн кайтаруу үчүн күзөт кызматына акча төлөп, санкцияларды бузган болушу мүмкүн.
Миллиардерден тышкары бул иште коопсуздукту камсыз кылуу боюнча кызматтарды көрсөткөн же аларга көмөктөшкөн дагы төрт киши шектүү катары өтүүдө. Алар мыйзам бузууга жардамдашкан же шыкакчы болгон деп шектелүүдө. Der Spiegel журналы миллиардер салык кылмыштарына да айыпталышы мүмкүн экенин билдирүүдө.
69 жаштагы Алишер Усманов Орусиянын эң бай адамдарынын бири. Forbes журналы анын байлыгын 11,5 миллиард долларга баалаган. Февралда Орусия Украинага кол салгандан кийин ал эл аралык, анын ичинде Европа өлкөлөрүнүн санкциялык тизмелерине киргизилген. Май айында ал өзүнө каршы санкцияларды жоюу өтүнүчү менен Европа сотуна кайрылган. Сентябрда Венгрия Европа биримдигинен Усмановду санкциялык тизмеден чыгарууну талап кылганы кабарланган.
Гамбург соту америкалык Forbes журналына орусиялык миллиардер Алишер Усмановдун президент Владимир Путин менен байланышы тууралуу …
Германиянын Франкфурт-Майн соту өзбек тектүү орусиялык миллиардер Алишер Усмановго арам акчаны адалдоо ишинин алкагында камакка …
Украинадагы кырдаалдан улам Батыш өлкөлөрүнүн санкциясына кабылган орусиялык олигарх Алишер Усманов аны Владимир Путиндин жакын …
Bloomberg компаниясынын индексине ылайык, өзбек тектүү орусиялык миллиардер Алишер Усмановдун байлыгы жыл башынан бери 1 …
Өзбек тектүү орусиялык миллиардер Алишер Усмановдун ишинин алкагында Швейцариянын ири банкы эсептелген UBS’тин Франкфурт-на-Майне жана …
Германия бийлиги Гамбургда Евробиримдиктин санкциясына илинген миллиардер Алишер Усмановдун 156 метрлик яхтасын камакка алды. Бул …
