Оренбург облусундагы КР жарандарынын жайгашуу маселеси чечилди
Кыргыз Республикасынын Россия Федерациясындагы Элчилигинин маалыматына ылайык, Россия Федерациясынын Оренбург облусунун администрациясы бул аймакта өзүн-өзү изоляциялоо режимин сактоо негизинде, Кыргыз Республикасынын жарандарын Казакстан Республикасынын чек арасы ачылганга чейин Оренбург облусунун Бузулук районундагы балдар лагерине убактылуу жайгаштыруу чечимин чыгарды.
Оренбург шаарындагы Кыргыз Республикасынын Ардактуу консулу жана диаспора активисттери жарандарды аталган балдар лагерлерине жайгаштыруу максатында Соль-Илецк шаарынан Бузулук шаарына келишти.
Бузулук шаарынын жанында 70ке жакын КР жарандары бар. Аларды балдар лагерлерине жайгаштыруу боюнча жергиликтүү бийлик органдары менен иш алып барылууда.
Ошол эле учурда, КР жарандарынын айрымдары балдар лагерлерине баруудан баш тартып, жерге чатырларды орнотууну талап кылып жатышкандыгын белгилейбиз.
Ушул жылдын 7-майында Соль-Илецк шаарынан 541 жараныбыз казакстан тарабы түзүп берген бир жолку акциянын алкагында транзит коридордон өтүп, Кыргызстанга келишкен жана медициналык байкоого алынышкан. КР ТИМ жарандарыбыздын Соль-Илецк шаарынан алынып келиши РФ аймагындагы башка жарандарыбыздын россия-казакстан мамлекеттик чекарасы тарапка баруусуна түрткү болбошу керектигин буга чейин да маалымдаган.
Бүгүн,14-апрелде Азия өлкөлөрүндөгү медиа керектөө жана медиа сабаттуулук боюнча изилдөөлөрдүн жыйынтыктары көрсөтүлдү. Ал Европа Бирлиги …
Кыргызстандын Эмгек, социалдык камсыздоо жана миграция министрлиги, Жапониянын кесиптик бирлиги жана И.Арабаев атындагы Кыргыз мамлекеттик …
Кыргызстандын Тышкы иштер министрлиги (ТИМ) Украинадагы кыргыз жарандарын Венгрия аркылуу (Будапешт — Стамбул — Бишкек) …
Эмгек, социалдык өнүктүрүү жана миграция боюнча министрлиги 2022-жылга өндүрүштүк календарды бекитти. Анда жаңы жылда кыргызстандыктар …
Кыргызстандыктар ноябрь айында 4 күн катары менен эс алышат. Бул тууралуу Эмгек, социалдык камсыздоо жана …
Орусиянын Санкт-Петербург шаарында тоноого айыпталган кыргызстандык жарандар соттон акталган соң кыйноого кабылганын айтып чыгышты. Алар …
