19 жаштагы блогер Ырыс Жекшеналиев фейсбуктагы баракчасына билдирүү жазып окуусуна бара албай жатканын билдирген.
Анын айтымында, окууга кайтуу тууралуу чечим 13-мартта чыккан менен ал 30 күндөн кийин күчүнө кирет.
«Бирок 1 айдан кийин окуу бүткөнү жатпайбы!? Ошол эле учурда Жусуп Баласагын атындагы Кыргыз улуттук университети Бишкек шаардык сотуна райондук соттун чечимин жокко чыгаруу максатында арызданганы турат», — деп жазат ал.
Жекшеналиевдин бул билдирүүсүнө Билим берүү министри жооп берип, орун басарына тапшырма бергенин билдирди.
Эске салсак, «Полит Узник» баракчасынын администратору, 19 жаштагы Жекшеналиев 2022-жылдын 14-августунда милицияга бир нече саат сурак бергенден кийин камалган. Буга Улуттук коопсуздук комитетинин мурдагы төрагасы Абдил Сегизбаевдин Жетим-Тоо тууралуу айткандары тартылган эски видеону аталган баракчага жайгаштырганы негиз болгон.
Милиция Кылмыш-жаза кодексинин 278-беренесинин («Калайман башаламандык») 3-бөлүмүнө («Бийлик өкүлдөрүнүн мыйзамдуу талаптарына жигердүү баш ийбөөгө жана массалык баш аламандыктарга чакырыктар, ошого тете жарандарга зомбулук көрсөтүүгө чакырыктар») ылайык кылмыш ишин козгогон.
Мурдагы Билим берүү жана илим министри Каныбек Иманалиев КР Улуттук жазуучулар союзунун төрагасы шайланды. Бул …
Бүгүн, 7-февралда Бишкек шаардык соту активист Ырыс Жекшеналиевдин иши боюнча прокурордун апелляциялык арызын карап, Биринчи …
Бүгүн, 4-декабрда Бишкектин Биринчи май райондук сотунда блогер Ырыс Жекшеналиевдин иши каралып, сот өкүм чыгарды. …
Бүгүн, 27-ноябрда Бишкектин Биринчи май райондук сотунда блогер Ырыс Жекшеналиевдин иши каралды. Бүгүнкү жараянда сот …
Кызматтан алынган билим берүү министри Каныбек Иманалиев эмгек жамааты менен коштошуп, ага ишеним көргөзгөндөргө ыраазычылык …
Каныбек Иманалиев КР билим берүү жана илим министри кызматынан бошотулду. Бул тууралуу президенттин басма сөз …
