Россиянын Новосибирск шаарында 7-октябрда жапырт мушташ болуп, ок атылды. Бул тууралуу Орусиянын массалык маалымат каражаттары жазды.
Болжолдуу маалыматка ылайык, чыр базардын ижара акысынан улам чыгып, массалык мушташка 50дөн 100гө чейин адам катышкан.
Милиция кызматкерлери урушту токтотуу үчүн абага ок атып, кошумча күчтөрдү чакырууга туура келген. Анын кесепетинен резина октон адамдар жабыркап, 5 киши ооруканага кайрылган. Новосибирскидеги кыргыз диаспорасынын башчысы Жаркынбай Тойтуков жапырт мушташ болгонун тастыктады,-деп айтылат маалыматта.