Орусиянын Тергөө комитети 15 жаштагы өзбекстандык кыз менен 20 жаштагы Тажикстан жаранынын өлүмү боюнча кылмыш ишин козгоду. Маркумдардын сөөгү 11-июлда Ленинграддагы токойдо асынган жеринен табылган.
Орусия Тергөө комитетинин Ленинград облусу боюнча өкүлүнүн айтымында, өлүмдүн версиялары каралууда. Кыз-жигит алдын ала сүйлөшүп алып жандарын кыйган болушу ыктымал деген божомол да бар.
Өзбекстандын Санкт-Петербургдагы консулдугунун өкүлү дипломатиялык өкүлчүлүк Шахода Шакированын сөөгүн мекенине жеткирүү үчүн бардык аракеттер көрүлүп жатканын айтты.