Ош облусуна караштуу Араван айылында үгүт иштери жүрүп жаткан убакта чогулган элдин арасында мушташ чыгып, жаракат алган 12 киши ооруканага түштү. Бул тууралуу ОШ ОИИБинин басма сөз кызматынан билдиришти.
Маалыматка ылайык, 20-сентябрь күнү саат 18:30 чамасында аталган айылда 100 чакты адам шайлоого карата үгүт иштерине чогулушкан. Саясий партиянын талапкери И.М.нын катышуусундагы чогулушка келгендердин арасында уруш чыккан. Анда 12 киши денесинен ар кандай жаракат алып ооруканага түшүп, 5 унаа талкаланган.
«Араван РИИБинде бул факты Кылмыштардын жана жоруктардын бирдиктүү реестрине катталып, сотко чейинки өндүрүш иши ачылды. Учурда мушташка катышкан 10 жаран кармалып сурак берүүдө. Калган 12 жаран ооруканада жаткандыктан жакынкы убакта алар да суракка алынат. Тергөө кызматы тарабынан соттук-медициналык экспертиза дайындалып, келтирилген чыгымдар эсептелүүдө. Мушташ чыгарган жарандарга карата Кыргыз Республикасынын мыйзамдарынын негизинде катуу чара көрүлөт»,-деп айтылат маалыматта.
Бул окуяда эл менен жолугушуу өткөргөн кандидат алдын ала жолугушуу өткөрүүчү жери жана убактысы тууралуу ички иштер органдарына кабарлаган эмес. ИИМ ар кандай укук бузуулардын алдын алуу максатында шайлоочулар менен жолугушуу учурунда алдын ала коомдук тартипти көзөмөлдөө боюнча ички иштер бөлүмүнө кабарлап коюуну суранат.
Бостеридеги пляжда кыздар мушташты. Милиция окуя 3-июль күнү чуулгандуу “Золотые Пески” эс алуу жайында болгонун …
1-августка караган түнү Москванын четиндеги Чехов шаарында катталган жапырт мушташта каза болгон эки мигрант Тажикстандын …
Ошто кумар оюндары уюшулган жай жабылып, кылмыш иши козголду. Бул тууралуу Президенттин администрациясынын маалыматтык саясат бөлүмүнүн …
Иркутск шаарындагы калайман мушташка катышкан кыргызстандык жана тажикстандык мигранттар Курман айт майрамынын алдында элдешти. Бул …
Иркутск полициясы Ковыктинск газ кенинде иштеген кыргызстандык жана тажикстандык мигранттар ортосунда 23-июнда чыккан калайман мушташтын …
Орусиянын Екатеринбург шаарында тажик жарандарынын ортосундагы араздашууларынан эки адам каза болуп, дагы экөө жарадар болду. …
