Көк бөрү боюнча Жогорку лиганын финалында «Ынтымак» менен «Сары-Өзөн» командалары беттешет.
Бүгүн, 28-августта Жогорку лигадагы командалардын тайпадагы акыркы беттештери өтүп, финалда ойной турган командалар белгилүү болду. А тайпасында кез келген «Достук» менен «Сары-Өзөн» командаларынын оюну «Сары-Өзөндүн» пайдасына аяктады. Анда Чүйдүн командасы 4:1 эсебинде жеңип алды.
Кийинки оюн В тайпасында «Ынтымак» менен «Жаш-Күч» командаларынын ортосунда өтпөй калды. Буга «Жаш-Күчтүн» аттары жаракат алганы себеп болуп, жеңиш «Ынтымакка» ыйгарылды.