Президент Садыр Жапаров Түркмөнстандын президенти Гурбангулы Бердымухамедовго атасы каза болгонуна байланыштуу көңүл айтты. Бул тууралуу президенттин басма сөз кызматы билдирди.
«Атаңыз Мяликгулы Бердымухамедович дүйнөдөн мезгилсиз кайтканы тууралуу суук кабарды кайгыруу менен кабыл алдым. Кыргызстан элинин жана жеке өзүмдүн атымдан Сизге жана боордош Түркмөнстан элине көңүл айтуу менен орду толгус жоготуу азасын тең бөлүшөм», — деп айтылат өлкө башчынын кайрылуусунда.