Президент Садыр Жапаров бүгүн, 28-июнда расмий иш сапары менен Тажикстан Республикасынын борбору Дүйшөмбү шаарына барды.
Эл аралык аэропорттон Тажикстан Республикасынын премьер-министри Кохир Расулзода тосуп алганын өлкө башчынын басма сөз кызматы билдирди.
Эл аралык аэропортто Кыргызстан менен Тажикстандын мамлекеттик туулары илинип, килем төшөлүп, Ардактуу кароол ротасы тизилген.
Расмий сапардын алкагында Садыр Жапаров Тажикстан Республикасынын президенти Эмомали Рахмон менен эки тараптуу сүйлөшүүлөрдү жүргүзөт.