Президент Садыр Жапаровдун инаугурациясына чакыруу алгандар коронавируска карата тест тапшырышууда. Бул тууралуу депутат Дастан Бекешев «Депутаттын ойлору» деген телеграмм-каналында билдирди.
«Инаугурацияга чакыруу алгандарга милдеттүү түрдө тест тапшыруу шарты коюлуптур. Бүгүн мен коронавирус инфекциясына карата тест тапшырам. Жеке өзүм барып тапшырмак эмесмин.», — деп билдирген Бекешев.
Белгилей кетсек, Садыр Жапаровдун кызматка киришүү аземи 28-январь күнү Бишкек шаарындагы Токтогул Сатылганов атындагы Улуттук филармонияда өтөт.