Бишкек шаардык соту Улуттук тарых музейи жана Чолпон-Атадагы ипподромдун курулушу боюнча аплеляциялык арызды аралыктан карап, Биринчи май райондук сотунун чечимин күчүндө калтырды.
Маалыматка ылайык, айыпталып жаткандардын апелляциялык арызы 18-августта аралыктан карала баштаган. Чечим бүгүн, 20-августта кабыл алынган.
Сапар Исаков өткөн отурумда сөз сүйлөп, анда өзүнө жана Мира Карыбаевага коюлган айыптарды ойдон чыгарылып, токулган деп четке какты.
Эске салсак, мурдагы өкмөт башчы Сапар Исаков 2018-жылдын 5-июнунда коррупцияга шектелип камакка алынган. Тергөө иштеринин жыйынтыгында, 9-июнь күнү Биринчи май райондук соту Исаковду Жазык кодексинин 319-беренесинин («Коррупция») негизинде 18 жылга эркинен ажыраткан.