Бүгүн Бишкек шаардык сотунда саясатчы Жеңиш Молдокматовдун баш коргоо чарасы каралат. Бул тууралуу «Туран» партиясынын мүчөсү Эрлан Бекчоро уулу Фейсбуктагы баракчасына жазды.
Маалыматка ылайык, отурум саат 14:00дө башталат.
Эске салсак, оппозициячыл саясатчы Жеңиш Молдокматов Ички иштер министрлиги тарабынан 2021-жылдын 6-майда кармалган. Молдокматовго 2020- жылдын октябрь окуяларында «УКМКнын имаратын басып алууга аракет кылган» деген айып тагылган. Кийин берене өзгөртүлүп, «октябрь окуяларында башаламандык уюштурган» деген кине коюлган. Молдокматов өзүнүн камалышын саясий куугунтук катары баалап келет.