Соттор бийликтин буйрутмасын аткарып жатышат. Мындай пикирин бүгүн, 17-апрелде саясатчы Равшан Жээнбеков билдирди.
«Соттордун баары көз каранды. Биз түрмөдөн коркпойбуз»,-деди Жээнбеков.
Белгилей кетсек, азыркы тапта Бишкектин Биринчи май райондук сотунда саясатчы Равшан Жээнбеков, Кубанычбек Кадыров, Азимбек Бекназаров, Атай Бейшенбектердин баш коргоо чарасы каралып жатат.
Эске салсак, 23-октябрда Бишкекте жыйырмадан ашуун оппозициялык саясатчы менен активисттердин үй-жайында тинтүү жүргүзүлүп, камалышкан.
Ички иштер министрлигинин (ИИМ) Тергөө кызматы Кылмыш жаза кодексинин 36-278-беренеси (“Массалык башаламандыктарды уюштурууга даярдануу”) менен козголгон кылмыш иштин алкагында тергөө амалдарын жүргүзүп жатат.