Үгүт иштери учурунда мыйзам бузуулар боюнча 38 арыз келип түштү. Бул тууралуу бүгүн, 5-январда Нуржан Шайлдабекова Борбордук шайлоо комиссиясынын ыкчам чара көрүү боюнча координациялык тобунунун отурумунда билдирди.
Шайлдабекованын айтымында, келип түшкөн билдирүүлөр убагында каралып жатат.
«Арыздардын 24ү текшерилүүдө. Кылмыштардын жана жоруктардын бирдиктүү реестрине 5 материал катталган. БШК үч арыз боюнча чечим кабыл алган, Башкы прокуратурада 4 материал каралып жатат»,-деди Шайлдабекова.