Бүгүн БШКнын кезексиз жыйыны болду. Анда Борбордук шайлоо комиссиясынын төрайымы Нуржан Шайлдабекова Кыргызстанда президенттик шайлоо болжолдуу түрдө 2021-жылдын 17-январында өткөрүлүшү мүмкүн экенидигин билдирди.
«Кайрадан парламенттик шайлоо 20-декабрга белгилениши ыктымал. 10 күндө жыйынтыгы чыгып, жаңы жылга чейин Жогорку Кеңеш түзүлүүсү керек. Андан соң президенттик шайлоо өтүүсү зарыл», — деди ал.
Эске салсак, 4-октябрдагы парламенттик шайлоонун жыйынтыгына каршы болгондор нааразычылык акциясына чыгышкан. 5-октябрда башталган митинг башаламандыкка айланып, өлкө башчы Сооронбай Жээнбеков кызматын тапшырды. Ал эми мыйзамга ылайык, кайра шайлоо өткөнгө чейин азыркы парламент легитимдүү бойдон кала берет.