Өзбекстан Республикасынын Президенти Шавкат Мирзиёев телефондук сүйлөшүүдө Садыр Жапаровду Кыргыз Республикасынын Президенти кызматына шайланышы менен куттуктады. Бул тууралуу Өзбекстандын президентинин расмий сайтында айтылат.
Шавкат Мирзиёев Садыр Жапаровдун жетекчилиги астында Кыргызстан алдында турган кыйынчылыктарды жеңип чыгарына жана мамлекеттүүлүк менен улуттук биримдикти бекемдөө жана өлкөнү социалдык-экономикалык жактан туруктуу өнүктүрүү боюнча ийгиликтүү программаларды ишке ашырарына ишенерин билдирди.
Шавкат Мирзиёев Өзбекстан турмуштун бардык чөйрөлөрүндө кыргыз-өзбек кызматташтыгын мындан ары да достук мамиледе, ынак коңшулукта жана стратегиялык өнөктөштүктө чыңдай берүүнү жана өнүктүрүүнү көздөй тургандыгын баса белгиледи.
Садыр Жапаров Өзбекстан башчысына куттуктоосу үчүн ыраазычылыгын айтып, эки мамлекеттин ортосундагы кызматташтык боордош эки элдин бакубатчылыгы жана кызыкчылыгы үчүн мындан ары дагы ийгиликтүү өнүгө тургандыгына бекем ишенимин билдирди.
Ошондой эле Шавкат Мирзиёев Садыр Жапаровду Өзбекстан Республикасына расмий иш сапар менен келип кетүүгө чакырды. Садыр Жапаров чакырууну ыраазычылык менен кабыл алды.
Тараптар иш сапардын мөөнөтүн дипломатиялык каналдар боюнча аныктоого макулдашты.
Мындан сырткары, Шавкат Мирзиёев менен Садыр Жапаров актуалдуу маселелерди чечүү жана эки өлкөнүн эки тараптуу жана көп тараптуу кызматташтыгын жаңы деңгээлге чыгаруу үчүн дайыма байланышта болуу боюнча орток пикирге келишти.
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Бүгүн, 24-апрелде, Баку шаарында Кыргызстан менен Азербайжандын президенттери Садыр Жапаров жана Ильхам Алиевдин расмий жолугушуу …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров “Кыргыз Республикасынын айрым мыйзам актыларына (Кыргыз Республикасынын Турак жай кодексине, “Аскер кызматчыларынын …
Президент Садыр Жапаров Ош, Жалал-Абад, Баткен жана Талас облустарында катуу жааган жаандан катталган селдин кесепеттеринен …
Президент Садыр Жапаров 24-25-апрелде мамлекеттик сапар менен Азербайжан Республикасына барат. Бул тууралуу президенттин администрациянын тышкы …
